Moar Avar

Нужее нух битIаги, хириял хIажизаби!

Гьале тIаде щвана исанаги хIежалде
унеб заман. ИншаАллагь, хирияб
ракьалде щвела Ибрагьим аварагасул
ахIиялъе жаваб гьабурал гIадамал.
Хирияб ракьалда хIетIе чIей, гьениб
гIибадат гьабизе рес щвей ккола Ал-
лагьас  кьурал кIудиял нигIматазул
цояб. Дунялалда бищунго хирияб,
МухIаммад  авараг гьавураб, гьев жа-
нив вукъун вугеб ракьалде щвеялдаса
кIудияб нигIмат инсанасе букIинаро.
Гьеб хирияб ракьалде, гIумруялда
жаниб цо нухалъгIаги хIеж гьаби,
Аллагьас  МухIаммадил умматалда
тIадаб фарзлъунги гьабун буго. Гьелъ-
ухъ ТIадегIанас кьолел руго гIемерал
хиралъаби, даражаби. Чурулел руго
мунагьал, къабул гьабулеб буго дугIа-
гьари.
автор: ГIабдуллагь-хIажи МухIаммадов

Церехун гьарурал мунагьал чури
ГIамру ибну ГIас абулев асхIабас
бицунеб буго, тIоцебе ислам босизе
ракIалде ккедал, жив вилъанила
хирияв аварагасухъе  ва гьесда
абунила дур квер кьейин дихъе,
дургун къотIи гьабизе, ай гьа базеян.
Аварагас  битIанила дихъе жиндирго
квер. Амма дица диргояб нахъе
босанила. Аварагас  абунила щиб
ккарабилан.
– Дие бокьун буго цин цо шартI лъезе,
ай дица церехун гьарурал мунагьал
чуриялъул шартI, – ян абунила жинца.
Цинги, аварагас  абунила: «Дуда
лъаларищ ислам босиялъ, гьижра
гьабиялъ ва хIеж гьабиялъ церехун
гьарурал мунагьал чурулеблъи!», – ян
(Муслим).
ХIажичи – гъазаватчи
Абу Гьурайратидасан бицараб хIадисалда
буго, хирияв аварагас  абунин:
«ЧIахIиязулги, ай херазул, гIисиназул ва
руччабазул гъазават хIежги гIумраги
буго», – ян (Насаи).
Цоги хIадисалда буго: «Цо чи вачIанила
аварагасухъе  гъазаваталде ине бокьун
букIиналъул бицине. Дуца КагIба-рукъалде
хIеж гьабе», – ян абунила гьесда.
ХIажизаби – Аллагьасул 
къокъа
Абу Гьурайратидасан бицараб хIадисалда
буго: «Аллагьасул  къокъа лъабго буго:
гъазизаби, хIажизаби ва гIумра гьабулел»,
– ян.
ДугIа къабул гьаби
Ибну ГIабасидасан бицараб хIадисалда
аврагас  абулеб буго: «Щуго дугIа
буго нахъчIвалареб: хIежалдаса
ватIалъизегIан хIажичиясул, рокъове
тIадвуссинегIан гъазичиясул,
кумек щвезегIан цебе жинда зулму
гьабурасул, сахлъизегIан цеве
унтарасул ва жиндирго диналъул
вацасе, гьесдаги лъачIого гьабулеб
дугIа. Гьезул жаваб бищун хехго
щолебги диналъул вацасе балъго
гьабураб дугIа буго», – ян.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s